由一首歌,
填出屬於你嘅詞
填粵語詞最難嘅唔係押韻,係「啱唱」—— 同一句旋律,聲調行錯咗就變咗第二個字(即「拗音/倒字」)。 填詞工作枱幫你睇得到聲調骨架、換得到啱音嘅字詞、聽得到真人發音、驗得到拗音; 仲可以貼數字譜搭棚起稿、鎖住意象搵字、副歌 A/B 逐格對位。 呢頁教你由零開始,或者 cover 一首歌快速改成原音新詞。
協音 ≠ 押韻 ≠ 同音
三樣嘢好多人撈亂。填詞工作枱嘅核心係協音:
同一段旋律，聲調輪廓一致就唱得順。換字只要「協音碼」一樣，唱出嚟就啱音 —— 呢個係填詞替換嘅根本。
句尾字韻母相同(如 -oi、-ong)。管嘅係「句尾聽落夾唔夾」，同旋律無關。
讀音完全一樣(同 jyutping)。換咗聽落一模一樣，多數用嚟玩諧音，唔係填詞主力。
Cover 一首歌 → 改成你嘅原音新詞
「原音」= 保住原曲每個位嘅聲調,唱出嚟一樣順口,但係全新歌詞。五步:
- 1
帶入原詞
去歌詞庫揀首歌,㩒「送去填詞工作枱」一鍵帶入歌詞連歌名;或者自己喺歌詞框貼上任何一段詞。
- 2
睇協音骨架
即時逐字標好協音碼。呢串碼就係原曲嘅「可唱模板」—— 你要填嘅新詞,每個位跟住個碼就一定啱唱。切「詞語」檢視仲會按詞分組,連埋旋律走向。
- 3
換字 · 換詞
㩒任何字或詞,右邊即出「同協音」候選(已按音近 · 常用排好),㩒一下先預覽語義/情感/發音,啱先替換。保住音律咁換走原詞,砌出新意思。
- 4
驗拗音
開「協音檢測」設返原曲旋律 —— 用 🎹 鋼琴逐字定音、📥 匯入 MIDI,或者喺字與字之間㩒連接器逐格設走向(↗升 ↘降 →平)。詞本身走向同旋律相反 = 拗音(倒字),會標紅,即刻知邊度要改。
- 5
對韻 · 潤色 · 試唱
㩒行首韻標搵押韻字(可開寬韻);用詞卡查語義/情感/例詞;㩒發聲鍵聽真人粵語逐字連貫讀出,埋位試唱。登入仲可儲存草稿。
工作枱長咩樣?睇住佢郁
登入之後,除咗逐字換字,仲有音律總覽、協音檢測、詞夾幾個殺手級功能。 下面係實際介面嘅動態預覽(自動輪播,㩒 tab 亦可):
搭棚模式:由數字譜開始,先有棚後有詞
職業填詞人好多時冇原詞可以 cover——收到嘅係一段 demo 旋律。行內做法係聽住 demo, 逐粒音辨聲調,抄低一串 0243 數字,行話叫「搭棚」。個棚就係首歌嘅可唱模板,之後先逐格搵字填入去。 工作枱將成個流程數碼化:
- 1
貼數字譜
喺歌詞框直接打或者貼0243 數字(例:3343,可以成行、可以同已填嘅字混住)。每粒數字即刻變成一個虛線空格,標住目標碼。
- 2
點格填字
㩒任何一個空格,右邊即列該碼嘅候選字——全部係有釋義嘅真字、常用優先,仲話你知全庫仲有幾多可揀。㩒一下預覽,啱就填入,個格即變歌詞、即入韻標。
- 3
鎖住意象逐格砌
配合意象鎖(下面有詳解)鎖定主題,例如「愛情」,每一格嘅候選都同時啱音又啱意境。填錯隨時↩ 撤銷,慢慢由棚變出成首詞。
每個掣係咩、點用、幫到你
逐字:每個字一個協音碼,睇最細粒度。詞語:按詞典分好詞(如 滄海 / 一聲 / 笑),顯示合併碼 + 旋律走向。
幫你:一眼睇清邊個位係咩調,以「詞」為單位換詞比逐粒字更貼近唱腔。
點字/詞 → 同協音(保音律)+ 同音字。候選按音近(聲母/韻母貼近原字)+ 常用排序,唔會淨係生僻字。顯示已載入 N / 全庫 M,㩒「＋再載 40」或「載入全部」逐步攞齊;亦可按情感/語域/詞性篩選。
幫你:喺「啱唱」嘅前提下,快速搵到又通順又貼題嘅替代;每個候選都有 字身份證(Unicode 碼位 ID)可引用。
候選/搭棚/押韻面板都有一排主題掣:愛情、思念、離別、孤獨、漂泊、希望……㩒一個即鎖住,之後每次搵字都只出嗰個意境嘅字,換面板照樣鎖住。
幫你:例如鎖「愛情」再點個碼 4 嘅字,候選變晒嫁/愛/戀/囍/甜——粒粒啱音兼啱意境,成首歌意象統一唔散。
點「睇詞卡」開抽屜,五個分頁一次過查齊:字卡(粵讀/碼/情感/同義反義)、同音、國語辭典全文、押韻(粵韻 + 十三轍 + 同轍成語)、成語。所有字詞 chips 點得,一路連鎖漫遊唔使跳工具。
幫你:揀字唔止睇個音,語義/意境/押韻/用典一個抽屜搞掂 —— 創作專注力唔會斷。
字、詞、候選旁邊嘅發聲鍵,播真人粵語錄音(《粵音資料集叢》)。每行行首有 ▶ 播成行;仲有「▶ 全曲連播」逐行跟燈自動捲行,成首詞由頭聽到尾。
幫你:唔識讀?一聽就知。填完即刻全曲試聽,耳仔最誠實。
三種方式設旋律:🎹 鋼琴逐字定音(自動跳下一字)、📥 匯入 MIDI(自動抽主旋律逐字上音)、或逐格㩒連接器設走向;仲有 🎯 鎖定目前走向做基準。系統即時比對詞嘅音高走向,相反 = 拗音,標紅並計總數。
幫你:唱出嚟會「倒字」(聽落變咗第二個字)嘅位,填之前就捉到,唔使錄完先發現。
設好旋律後:🎼 樂譜一鍵切簡譜/五線譜(自動選調);▶ 試聽旋律合成音逐粒播;🎤 試唱每字同時播旋律音 + 真人字音,用耳仔判協唔協;ABC 文本可生成/貼上;⬇ 下載 MIDI 攞去 DAW。
幫你:唔識睇譜都聽得出啱唔啱;識譜嘅直接睇簡譜/五線譜對照,旋律同詞永遠對得上。
行首韻標㩒一下搵同韻字填句尾(可開寬韻)。面板仲會話你知韻池有幾多字(池大好寫/池細考功夫),同埋韻性:開口韻易發揮、閉口韻合唇、入聲韻短促。
幫你:定韻腳係戰略決策 —— 未寫先知呢個韻夠唔夠字用、副歌高音位唱唔唱得開。
切「總覽」檢視:草稿即時聲調走勢圖(紅段=大跳進,點任何字直接開替換)、聲調指紋(音高帶佔比)、重字檢測(實字用 ≥3 次列出,點字即換)、入聲字統計、韻腳時間軸。
幫你:由「逐格」跳返「成首」視角 —— 旋律空間用咗幾盡、邊粒字重咗、邊句換咗韻,一版睇晒。
行首打「#副歌」咁樣標記段落;同名段落出現兩次以上,總覽即有逐行逐格碼對比:唔對位嘅碼標紅、行數唔對等即警示、全對就 ✓ 完全鏡像。
幫你:副歌 A/B 要唱同一段旋律,碼一定要一樣 —— 以前逐格人手核對,而家一眼睇晒邊度走咗樣。
入聲字(-p/-t/-k 收音)短促,喺長音、句尾拖唱位好難唱。逐字檢視自動打琥珀點標記;如果佢啱啱又係句尾韻腳,會轉紅加強提示。
幫你:「一/十/約/絕」呢啲字擺錯位,錄音先發現拖唔到腔就遲 —— 填嗰陣已經睇到。
面板有工具捷徑帶住當前字/詞/碼跳去同音字/字典/國語辭典/協音搜尋,草稿會保留;登入可儲存多份草稿、一鍵發布至歌詞集。手機揀字 sheet 有拉桿:半屏對照歌詞 ⇄ 拉高揀多啲。
幫你:深查唔怕迷路,寫完直接出版 —— 由靈感到發布一條線。
揀字唔係隨機出字典 —— 背後係 83 萬條深度語義關係(含意象 / 情感)。鎖定意象之後,同協音候選會即刻換成該意境嘅字(碼一致、保音律);睇詞卡就一次過睇齊同義 / 反義 / 釋義 / 押韻 / 用典。下面係實際面板嘅動態預覽:
由一段 demo 旋律,到一份真.樂譜
協音檢測而家唔止「人手設走向」—— 成條旋律工具鏈已經打通: 旋律入得嚟(鋼琴/MIDI)、睇得到(樂譜/走勢)、聽得真(試聽/試唱)、仲送得出去(編曲工作枱出真譜)。 填詞同編曲雙向互通,一個 flow 行晒:
螢幕鋼琴逐字定音(自動跳字)· 📥 匯入 MIDI 自動抽主旋律 · 🎯 鎖定目前走向
走向箭嘴 ↗↘→ · 拗音標紅 + 計數 · 🎼 簡譜/五線譜(自動選調)
▶ 試聽旋律 · 🎤 試唱(旋律 + 真人字音)· 一鍵替換拗音位,改到啱唱為止
歌詞 + 旋律一鍵過去編曲工作枱:執節奏拖腔、出真.五線譜/簡譜、PDF、列印
雙向互通:編曲嗰邊做好旋律,「→ 入填詞」會帶埋歌詞同每字旋律返嚟繼續雕字 —— 兩個工作枱嚟回接力,唔使 copy & paste。
✨ 旋律出詞、逐粒修拗、韻腳導航
編曲工作枱有「詞出旋律」(詞 → 曲);填詞工作枱有埋對稱嗰一拳 —— 「✨ 旋律出詞」(曲 → 詞): 喺協音檢測貼低你嘅 demo 旋律(🔤 ABC 逐行一句,或已設每字音),一撳即反推出 0243 數字譜搭棚 —— 每個格嘅聲調碼都跟住旋律走向,點格填字,候選字天生協音。 懶起步?再撳「✨ 自動起稿」,數字段以兩字詞優先自動填晒(意象鎖生效),即有一版跟旋律走向嘅初稿,逐格再雕。
拗音亦唔使自己諗字:「✨ 拗 N ▸ 逐粒修」循環跳去每處拗音(或直接點粒紅字), 側欄即列出「換咗之後同前後走向都夾」嘅候選字(可切聲調碼、意象鎖照用); 揀中嘅字兩邊夾唔埋(音域頂/底)會自動改修同一對拗音嘅另一端。 「🎤 全曲試唱」逐字跟燈連唱(旋律音+真人字音),用耳仔做最後把關; 句尾仲有拖唱警示:入聲(短)/ 閉口(唇)字掛喺行尾長音位會標橙,提你考慮換開口韻。
動筆前用「🧭 韻腳導航」:28 個常用韻母嘅韻池大細(池大好寫/池細考功夫)、開口/閉口/入聲特性一眼睇晒, 點個韻即有 50 個字詞靈感。寫好想收 feedback?「🔗 分享」生成公開唯讀詞稿連結 —— 朋友睇到逐字協音碼、逐行聽真人發音,仲可以「開副本」攞去改編。
仲有三件順手兵器:自動起稿完可以「🎲 重抽一版」(同一個搭棚再隨機一版,全稿用字去重); 「⇆ 對比」將而家嘅稿同詞夾任何一版智能對齊(相同行自動配對、新增/刪除行單獨顯示),只標真正改咗嘅字; 每行左邊仲有逐行 🎲,唔啱嗰句淨係重抽嗰句; 有 USB MIDI 琴嘅話,開「🎹 用鋼琴設旋律」會自動接駁(🎛 裝置名亮起),真琴直接逐字定音。
填一首好詞,要照顧六個維度
協音只係「啱唱」嘅底線。真正打動人嘅詞,係語義、聲調、旋律、押韻、語域、情感六者一體。 本平台每個維度都有對應工具幫你落地 —— 唔使靠感覺,睇得到、揀得到、驗得到。
字詞字典 + 同義/反義/意境相近詞,由 23 萬詞條、83.6 萬語義關係支撐。
用法:一個意象諗唔到點寫,搜近義詞借畫面;想含蓄啲,換個更抽象嘅講法。
逐字/詞語協音碼(0243 等五制),睇清每個字嘅音高階層。
用法:先睇原曲協音骨架,揀字守住音高,唱出嚟先唔會變第二個字。
相對音高走向(升 + 降 − 平 =)+ 協音檢測。
用法:跟住旋律起伏揀字調走向;大跳位要對準階,拖腔以起音為準。
行首韻標、同韻字一鍵填、寬韻放寬相近韻母。
用法:定副歌韻腳做記憶點;喺「轉」段換韻,情緒轉折更明顯。
每個候選標語域(粵/通/雅/書面),口語定文言一眼分。
用法:口水歌用白話貼地;概念歌摻書面/科學詞造距離感,層次即出。
情感 + 情緒(正/負/中)標籤,可篩候選。
用法:定一首歌嘅情感弧線,逐段篩對應情緒嘅字,由暖到冷自然過渡。
起 · 承 · 轉 · 合 —— 一首歌嘅骨幹
好詞唔係堆砌靚字,而係有結構。傳統起承轉合,放喺流行曲大致係:
- 起
主歌 A · 立景
開場定調、鋪畫面、擺低情緒起點。語域宜克制,情感留白,等副歌先爆。
- 承
主歌 B · 推進
順住起句推進、加細節、升溫。用近義詞擴充意象,情感由淺入深。
- 轉
副歌 / 橋段 · 轉折
情緒或視角一轉——最記得住嘅位。可換韻、換語域、拉高音域,對比一出,層次即現。
- 合
尾段 · 收束
回收開場意象、情感落地或升華。留一個餘韻畫面,勝過講盡。
抽象性 · 環境性 · 意景 · 設計深度
技巧再進一步,係處理「睇唔到嘅嘢」——一個概念,點樣變成聽得入耳、想像得到嘅畫面。
先揀一個核心概念做主題(愛、時間、距離、熵……),全首圍住佢生長。
用法:語義搜索由抽象詞散開近義/關連詞,搭出概念嘅語言網絡。
抽象要落地,靠具體環境——時間、地點、天氣、物件,畀聽眾一個站立點。
用法:用意境相近詞由「孤獨」搵到「空街/末班車/霓虹」等可觸摸嘅場景詞。
以景寫情:唔直接講「傷心」,而係畫一個令人傷心嘅畫面。
用法:情感篩選幫你確認一個意象帶啱情緒,唔會外表靚但情感錯位。
一個母題 / 隱喻由頭貫到尾、逐段變奏,係「有設計」同「散」嘅分別。
用法:定一條意象線(如下面《熵愛》嘅熱力學),每段用同一組概念詞演化。
《熵愛》：用熱力學做故事線
Jacky Kit 嘅 《熵愛》, 以「一段關係嘅熱力學」做故事線:一個抽象科學概念(熵=無序程度),貫穿成五個階段,由秩序走向失序再歸於寂靜。 呢個就係「設計深度」——同一組隱喻由頭變奏到尾。試吓以下分段做骨架,睇下平台六維點樣逐段接手:
去歌詞庫嘅音律可視化——以科學化方式全面剖析呢首詞:音域分佈、押韻家族、 本歌音韻關連圖、逐字協音同 3D 聲調地形。呢度就係你研究粵語詞不同維度嘅實驗場。
填得又快又順嘅幾個心法
- 先定骨架,後填肉。有原詞就由協音碼落手逐位換;冇原詞就搭棚——貼數字譜逐格填,唔使由零度諗旋律。
- 選韻先過選字。㩒韻標睇韻池有幾多字先落筆——池細嘅韻寫到一半冇字用,係最痛嘅回頭路。
- 鎖住意象寫。開意象鎖揀定主題,全首歌喺同一個意境入面搵字,唔會東一忽西一忽。
- 以詞為單位。「詞語」檢視換成詞,比逐粒字自然,唱腔更貼。
- 拗音優先修。檢測標紅嗰啲位最影響「啱唱」,先搞掂佢哋;句尾入聲字(琥珀點轉紅)都要留神。
- 有 demo 就入 MIDI。收到 demo 旋律,📥 匯入 MIDI(或 🎹 鋼琴逐字彈)設返真旋律先填 —— 拗音以真音準判,比逐格設走向準好多;埋尾 🎼 送去編曲出真譜。
- 副歌寫完即對位。用 #副歌 標記兩段,睇段落鏡像——A/B 唔對稱嘅碼即刻現形。
- 成首檢閱用總覽。走勢圖睇旋律空間、重字檢測捉無意識重字、聲調指紋睇音域分佈。
- 聽多過睇。每改一句㩒行首 ▶ 聽一次;埋尾開全曲連播由頭聽到尾,耳仔最誠實。
- 手機都填到。揀字 sheet 預設半屏、歌詞就喺眼前;想睇多啲候選,㩒拉桿拉高。
- 存草稿 · 直接發布。登入後可儲存多份草稿慢慢磨;滿意就「發布至歌詞集」,由靈感到出版一條線。
準備好未?
開個工作枱,貼一段你鍾意嘅歌詞,試吓換兩個字。